Home Local Ultimo funccionnan di e obra unico ‘E Cashi Magico’

Ultimo funccionnan di e obra unico ‘E Cashi Magico’

SHARE

 

E Cashi Magico, e obra teatral cu musica di Cas di Cultura, cu ta anda cu e topico di bullying, sea bo mes, stima bo mes y acepta otro, lo conoce su ultimo funcionnan dia 27 di November pa 3pm y 6pm. Esaki ta un oportunidad cu mayornan por tuma, pa habri e conversacion di topiconan cu nan yiunan, di 6 aña bay ariba, cu tin biaha no ta facil pa start. Kico kiermen tolerancia, kico kiermen stima bo mes, kico kiermen tin gusto diferente cu otronan y con nos por prepara nos yiunan pa ta hoben y despues adulto cu ta acepta y respeta su prohimo, apesar cu e ta un persona ful diferente cu’ne.

E Cashi Magico ta bou direction di Joan Danies, cu den pasado a yegi traha e obra Trevia e Garado di Djaka. E storia ta scribi pa Angelo Angela, docente di scol y maestro di CKV. Composion y areglonan ta den man di Zulaika Geerman.

Cas di cultura ta hopi contento cu nos por presenta e obra aki pa 1000 mucha caba.
Tin un kleurwedstrijd mara na e show aki. Riba Facebook di Cas di Cultura por wak’e y download’e. Mande e pintura bek via Facebook of trecele na Cas di Cultura. E kleurplaat mas bunita ta gana 4 carchi pa e cashi magico. Deadline pa entrega esaki ta dia 23 di November.

Ticket obtenibel na Cas di Cultura y Plaza Bookshop. Cas di Cultura ta gradici nos sponsors y colaboradornan VNO, Prins Bernhard Cultuurfons Caribisch y Fonds Familie Koeman y Elite.