Home Local ARUBA MARRIOTT TA CELEBRA E ANIVERSARIO DI SU ASOCIADONAN Y ALABES ...

ARUBA MARRIOTT TA CELEBRA E ANIVERSARIO DI SU ASOCIADONAN Y ALABES TA NOMBRA SU ASOCIADONAN Y LIDERNAN CU A DESTACA DURANTE E DI TRES KWARTAAL DI 2022

SHARE

PALM BEACH, ARUBA – E compleho di Aruba Marriott recientemente a nombra su asociadonan y lidernan cu a briya durante e di tres kwartaal di 2022. E programa di reconocemento aki ta uno sumamente importante pa e compania como un acto special di aprecio, pa asina reconoce e esfuerso adiciona y alabes celebra e logronan di cada asociado y lider cu a destaca durante e periodo di cada kwartaal.

E asociadonan y lidernan nomina a wordo escohi door di nan supervisor, manager y e team ehecutivo pa nan excelente trabou y dedicacion. E premionan cu a wordo otorga ta ‘Associate of the Quarter’, ‘Supervisor of the Quarter’ y ‘Manager of the Quarter’ representando e diferente areanan di ‘Front of the House’, ‘Back of the House’ y ‘General’.

Ganadornan Kwartaal Tres di 2022:

  • Front of the House Resort Winner: Naygel Jansen
  • Back of the House Resort Winner: John Alzate
  • Front of the House MVW Winner: Angel Loefstop
  • Back of the House MVW Winner: Maria Pereira
  • General Category Winner: Jazmin Roa Barrera
  • Supervisor Resort Winner: Joshua Gomez
  • Supervisor MVW Winner: Kateline Tromp
  • Manager Resort Winner: Gislaine Croes
  • Manager MVW Winner: Mariana Eduwardo

General Manager di e compleho di Aruba Marriott, Sr. Raoul Lemmerling, hunto cu e team ehecutivo y staf di Aruba Marriott ta orguyoso di tur e nominadonan y ganadornan y ta manda palabra di felicitacion pa cada un di nan cu e logro bunita aki.

Adicionalmente di a celebra e nominadonan di e kwartaal, Aruba Marriott a honra y celebra lealdad di su asociadonan caminda a conmemora e aniversario di nos asociadonan cu a cumpli 5, 10, 15, y 20 aña di servicio cu nos compania.

Pa esnan interesa pa cuminsa nan carera na Aruba Marriott, por visita www.marriott.com/careers pa aplica.

Aruba Marriott Resort & Stellaris Casino a habri na aña 1995 cu 411 camber y a añadi 3 camber na 2018. Na aña 1999 a habri Ocean Club cu 311 camber y na aña 2004 a habri Surfclub cu 900 camber. Na tur, e famia di Marriott Aruba ta consisti di mas o menos 1200 associado den servicio directo. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado.