Home Politics Parlamentario Marco Berlis (MEP): Caso Avestruz ta sigui expone bon cla e...

Parlamentario Marco Berlis (MEP): Caso Avestruz ta sigui expone bon cla e cultura corupto di AVP

SHARE
Marco Berlis

Fraccion di AVP completo ta aproba, sostene y celebra corupcion y traicion riba custia di patrimonio di pueblo.

E siman aki tur hende por a scucha un otro episodio di caso di corupcion di mas grande den historia di Aruba, e caso di Avestruz cu Benny Sevinger como sospechoso principal. AVP, e partido berde den oposicion un biaha mas a briya cu su cultura di “corupcion comun.” Pueblo completo por a scucha, y ainda por scucha e requisitoire completo di e caso Avestruz, y asina deduci e abuso extremo cu a tuma lugar den e ministerio di Benito Sevinger, segun Ministerio Publico. Otro medionan di noticia popular paga pa AVP, no a publica ni transmiti e requisitoire completo y a exclui informacion pa pueblo, pa trata na defende nan patrosinadornan politico.

Caso Avestruz cu awe ta afectando nos pueblo, imagen y pais pa via di expresionan arrogante di Benny Sevinger. Ministerio Publico den su disertacion a trece dilanti con Benny a categorisa e cultura di Aruba como uno corupto, cu ta aproba su forma di trabao. Ministerio Publico a bisa di esaki; “Het verschuilen achter de Arubaanse cultuur en gewoontes is ronduit kwalijk. Schadelijk voor de gehele samenleving van Aruba. Schadelijk voor het imago van het land. Want door dit te verklaren, impliceren verdachten dat hun handelen, strafbaar handelen, onderdeel is van de cultuur en het land Aruba. In hun poging om idere straf te voorkomen, hebben verdachten geen enkel bezwaar om de gehele Arubaanse samenleving in een slecht daglicht te plaatsen.” E expresionnan aki di Benito Sevinger ta sumamente condenabel y inacceptabel. Pero den su panico y deseperacion pa hustifica su mes, e ta dispuesto pa benta henter pueblo y pais bao bus, basta e por a scapa su “pellejo!”

A keda constata pa Ministerio Publico cu Benny a faborece un grupito chikito pa apodera di terenonan clave y di hopi balor di nos pais, y a facilita esakinan pa su amigonan por a hayanan liher y gana miyones cu esakinan. Pesey Ministerio Publico a yama Benny e arkitecto di henter e operacion criminal aki, y cu Benny a permiti di wordo soborna pa esnan cu e tabata yuda cu terenonan. Den su desesperacion, el a bolbe acusa y menciona cu Marisol tambe a haci mescos, pero cu nada ta wordo haci. Bao di lagrima el a haci esaki. Ma bon, AVP y MAS no ta den un coalicion hunto di oposicion? Ma bon, Mike Eman y su fraccion ta sostene e cultura aki di “corupcion y traicion comun,” contra Marisol? Ma bon, Mike, Dowers, y de Meza kier nenga cu nan no tabata sa cu Benny a acusa Marisol di corupcion? Y ki Marisol ta bisando, nada? Algo tin eybao! Awe pues, por constata cu den Parlamento tin un “coalicion di oposicion den traicion, den corupcion y den division comun.”

Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!