Home Police Homber conoci di Husticia nenga na tres hotel, presencia di polis a...

Homber conoci di Husticia nenga na tres hotel, presencia di polis a wordo pidi na tur tres hotel

SHARE

Oranjestad: Diasabra den oranan di marduga, na e hotel Hyatt Place, pariba di Airport un homber local cu su famia a presenta y a pidi pa keda un anochi na e hotel aki, pero pa un of otro motibo e hotel lo a nenga di a acomoda e homber y su famia.  E motibo no ta conoci si ta kier no tabata kier of e hotel tabata yen y no por acomoda e homber cu su famia pa un anochi.

Esaki no a cay den bon tera cerca e homber y e lo a cuminsa haci problema den lobby cu e personal di e hotel.

E hotel a pidi pa presencia di polis y na yegada di polis e homber problematico abandona e sitio caba. E agentenan a papia cu e personal di e hotel y nan a bay mira e grabacion di e camaranan di seguridad. E agentenan a bin reconoce e homber aki como un conocido di nan.

Despues cu e la bandona Hyatt Place, e la bay Renaissace hotel, na Renaissance tambe e la wordo nenga y despues di a wordo nenga, aki tambe e la haci problema cu e guardianan di seguridad di e hotel.

E la sali for di Renaissance Hotel y a bay Renaissance Ocean Suites mescos cu e otro dos hotelnan anterior,  tambe pa motibo nan desconoci e cu su famia no por a wordo acomoda pa un anochi. Na e hotel aki tambe e la bolbe haci problema. Presencia di polis a wordo pidi cu urgencia, na yegada polis a bin topa cu ne ainda na e sitio y despues cu polis a papia cu ne, e la bandona e hotel, basta desapunta.

Cada hotel tin su policy y ta acomoda esun cu e por of ta desea di acomoda, esey ta keda nan derecho. No ta descarta e posibilidad cu e lo por ta riba e blacklist di e hotelnan aki.