Home Local RBC y SMAC a presenta Jingle di Carnval 2023 awe riba 11-11-2022...

RBC y SMAC a presenta Jingle di Carnval 2023 awe riba 11-11-2022 .

SHARE

Cu hopi alegria y ambiente awe nos ta habri nos temporada di Carnaval atrobe despues di 2 aña sin por a celebra manera custumber. Yessss, Carnaval 69! Covid a bin cu su retonan y a dicidi pa henter mundo otro, pero e aña 2023, SMAC ta sigura di pone ambiente, aki aya, riba’bou y den dje pa tur cu a haya falta di celebra carnaval!

Pa nos recorda e trayectoria di nos jingle Sra Krozendijk tabata e persona cu a skirbi nos jinglenan for di 1987 pa 9 aña largo. Na aña 96 Ruben Garcia a tuma esaki como su responsabilidad. Durante di añanan di e jingle di Sra Krozendijk , Hildward Croes y Ivan Quandus, a haci e areglo pero tur riba iniciativa di a di Ruben. Carnaval 66 tabata e ultimo jingle cu Ruben a presenta riba 11-11 di 2021. E aña aki ta marca 25 aña di e patrocinio di RBC y di Ruben Garcia su di 26 Jingle dedica na e Carnaval di Aruba.

Awe mainta pa exactamente 11:11:11 SMAC y RBC a lansa Jingle oficial pa Carnaval 69, Sra Farah Hardeveld managing director di RBC a hiba palabra mescos cu Darren van Ommeren Presidente di SMAC y Inky Richardson vice president di MUSICA. E jingle manera ta tradicion su letra a keda den man di nos legendario Ruben “Scorpio” Garcia qepd.

El’a keda presenta pa e hoben artista y cantante “Freddy Rasta”. Encarga cu ingeneria di sonido y mastering “Skyblack” , areglo instrumental y produccion a wordo haci pa Marver.
SMAC y RBC ta sumamente honra cu e presencia di Famia Garcia presente awe mainta na lansammento di e jingle. Un danki di curason na Massive Brassband Internacional, NLG Dancers tur figura carnavalesco, High Performance, DJ Vibes y Enzo Koolman