Ladronicia di Scooter a termina na detencion di 2 menor di edad

Maxwellstraat – Diaranson den oranan di trempan di anochi por a mira varios polis na un cas den Maxwellstraat.

Locual a sosode ta cu na e cas aki cu ta pertenece na un ex politico y ex parlamentario a bin haya un Scooter cu lo a wordo horta mas trempan den dia. Esaki lo a wordo horta na Pos Chikito mes den area di Spaans Lagoen.

Doño di e Scooter di un of otro manera a bin haya sa cu su Scooter ta den un den dicho caya y mas cu claro a avisa polis.

A bin resulta cu e mama ex politico aparentemente no tawata sa cu su dos yiunan lo a horta un Scooter. Polisnan compaña pa un Sub Fiscal a drenta e cas pa asina bay cu Scooter, unda a bin haya mas piesa tambe cu no ta conoci si esakinan tambe ta procedente di ladronicia.

Transportwagen a wordo pidi unda cu a ambos yiu menor di edad a wordo deteni pa ladronicia y hiba warda di polis.