ORANJESTAD – Diabierna awor 14 October 2022, Corte di Husticia ta trata e caso penal cu Ministerio Publico a cuminsa contra e homber Jason Mathilda. E acusacion contra Jason Mathilda ta cu riba 13 December 2021, el a tira su tata E.Mathilda mata.
ARUBANATIVE por a compronde cu despues di caso pro forma caminda a busca asistencia di un psychiater di Hulanda, awor ta asina leu pa tratamento di e caso.
BUSCA PSYCHIATER DI HULANDA
Den un caso pro forma, Hues a bisa cu mirando cu e hecho cu ainda no tin un raport di psychiater y cu ningun psychiater di Aruba a pone su mes disponible, el a dicidi cu lo laga un psychiater di Hulanda evalua Jason Mathilda.
E psychiater aki tabata biniendo Antiyas y Aruba y ta specialisa den tipo di casonan asina. Entretanto e psychiater a evalua e acusado y a traha un raport. A keda palabra cu 14 October 2022, esta diabierna awor tratamento di e caso lo tuma lugar.
Durante tratamento di e caso, lo bay sali na cla kico realmente a sosode y lo informa comunidad di esaki.