Home Politics Prome Minister Evelyn Wever – Croes: EXITO NA GRUPO DI MUSICONAN...

Prome Minister Evelyn Wever – Croes: EXITO NA GRUPO DI MUSICONAN CU LO REPRESENTA ARUBA Y EUROPA DEN FESTIVAL DI JAZZ NA CARACAS

SHARE

 

 

ORANJESTAD – Prome Minister Evelyn Wever – Croes a ricibi bishita di tres musico, sr. Carlos Bislip, sr. Ivan Quandus y sr. Angelo Kock, cu cuminsando e fin di siman aki (18 di september te cu 25 di september) ta bay representa Aruba na un festival cu ta bay tuma luga na Venezuela, riba invitacion di embahada di Reino Hulandes na Caracas.

Ta trata di encuentro di Jazz “Festival Eurovenezolano de Jazz y Percusion” cu ta wordo organisa door di diferente pais Europeo hunto cu Venezuela pa intercambia musica y talento. 

“E ta un honor cu nan a ricibi e invitacion aki pa representa Aruba y tin tur confiansa cu nan lo haci esaki exitosamente. Cu esaki ta mira cu nos propio musiconan lo presenta nan propio composicionnan y asina nos musica ta wordo exporta ganando mas simpatia, curason y atencion.”

Prome Minister Wever – Croes den nomber di Gobierno di Aruba ta desea e musiconan hopi exito.