Home Local Aruba Bank ta haci donacion na Fundacion Ban Uni Man pa Cria...

Aruba Bank ta haci donacion na Fundacion Ban Uni Man pa Cria Nos Muchanan

SHARE

Mientras ta sondea posibilidad a plazo largo

Oranjestad – 31 di augustus – Aruba Bank a tuma nota di un publicacion di Fundacion Ban Uni Man pa Cria nos Muchanan cu a informa nos comunidad cu no lo por yuda tur mucha cu nan desayuno diariamente.

Mirando cu nan tin mas necesidad cu antes pa ricibi fondonan pa sigui aporta na muchanan di scol, Aruba Bank no a pensa dos biaha y a haci un donacion pa por sigui yuda cria muchanan pa e lunanan cu ta bin.

Durante un bishita na nos sucursal na Camacuri, representante di fundacion Ban Uni Man pa Cria Nos Muchanan, Sr. John Fun a ricibi e donacion for di Aruba Bank.

Segun Sra. Sharon Frӓnkel, Managing Director, ta importante pa Fundacion Ban Uni Man pa Cria Nos Muchanan por keda percura pa desayuno di muchanan na skol ariba termino largo. Mientras ta sondea posibilidad pa yuda e fundacion a plazo largo e banco a haci un donacion di 20 mil florin pa por sigui draai e siguiente lunanan.

Aruba Bank ta encurasha otro instancianan pa contribui na e fundacion Ban Uni Man Pa Cria Nos Muchanan y haci nan aporte via cuenta na Aruba Bank #2516290190. Persona di contacto pa e fundacion ta: r.roos@hoharuba.com