Oranjestad, Aruba, 26 di augustus 2022— Cu sumo placer Aruba Bank N.V. ta anuncia e nombramento oficial di Sra. Elisabeth (Els) Avontuur como Directora General y Presidente di nos Hunta di Directiva.
Sra. Avontuur ta trece cune mas di binticinco (25) aña di experiencia bancario na Rabobank Nederland, Rabobank Shanghai, China, y na ABN AMRO. E ta un lider empresarial cu enfoke fuerte ariba e cliente. Su experiencia amplio ta inclui experticio den e industria bancario general y funcionnan den e area di “change management”.
Segun e ehecutivo, su motivacion ta radica den e pasion y e conocimiento di e profesion bancario, y tambe den e desaroyo di e tipo di negoshi aki, coleganan, clientenan y partners cu ta hacie funciona.
E banco ta contento di yama Sra. Avontuur un bonbini na e famia di Aruba Bank. Nos ta en espera pa traha bou su liderazgo inspirador.
Bon Bini Els!