Home Police Muhe seriamente maltrata, homber no a perde penis, y niun keho entrega

Muhe seriamente maltrata, homber no a perde penis, y niun keho entrega

SHARE
Italiëstraat – Diahuebs algo prome cu 11’or polis a bay pura un compleho di apartamento situa den Italiëstraat, pa motibo cu un homber a maltrata un dama.

Polisnan na yegada a constata un caso di maltrato serio, mirando con e dama a keda door di e maltrato.
Ya e momento ey e agresor cu ta e homber a bandona e sitio.

Segun informacionnan oficial, e homber a dal e muhe un boter den cabes causando un herida serio cu tawata sangra masha hopi mes.
Esey no tawata suficiente y a bay over na morde lip di e dama lagando un herida serio atras tambe.

Ambulance a yega e sitio y mesora a sali direccion Hospitaal cu e dama, mientras polis na e sitio a avisa e otro instancianan, manera BFTO y Slachtofferhulp.
E apartamento tawata tin basta sanger tur caminda door di e corta serio.

Oranan di marduga

Den oranan di marduga e homber a bay bek e apartmento y a planea un storia.
E storia lo mester a trata di convence autoridad y esnan na poli cu e dama cu e la maltrata a trata di corta su penis.

Despues di un check up rigoroso na Hospitaal a bin sali na cla cu nada a pasa cu su penis y e por a bay cas.
A bin sali na cla tambe cu su version no a cuadra den e storia aki pa nada, debi cu e muhe no a yega bek despues di Hospitaal e apartmento, debi cu e la bay keda un otro caminda.

Despues di a pasa den tur e horibel maltrato cu a laga un apartment na sanger, door di miedo no a entrega keho di maltrato severo contra e homber.

Ta hopi caso tin, cu si e damanan entrego keho mes den prome instante, na final ta caba ta hala e denuncia aden y dunando e homber tur e oportunidad pa sigui comete su abusonan.
Sea contra e mesun muhe of contra su futuro partner.