ORANJESTAD: Diasabra ultimo durante e anochi special dedica na deporte y na nos atletanan presidente di comision di Premio Excelencia den Deporte, sr. Kenneth Vrolijk a hiba palabra. Despues di 3 aña Premio Excelencia den Deporte ta wordo organisa un biaha mas y den un gran forma. Sr. Vrolijk a sigui bisa; awe nochi nos tin 141 atleta presente representando 24 federacion deportivo na Aruba. Mas aki rato ta anuncia e ganadonan di e 23 categorianan cu a destaca den deporte na Aruba como tambe internationalmente durante aña 2019 y 2021. Alabes ta reconce 10 baluarte deportivo cu a dedica nan bida den deporte di Aruba
Pa scoge ganadonan no tabata un tarea facil y pesey nos kier a gradici nos comision votado cu ta consisti di diferente medio deportivo na Aruba pa a tuma e reto pa scoge e ganadonan.
Nos di comision Premio Excelencia den Deporte kier a recorda tur atleta, cu a wordo nomina sin importa resultado cu ya caba bo mester sintibo contento y orguyoso paso den bista di bo federacion abo como atleta nomina ta e miho den e categoria cu bo a wordo nomina.
Nos kier a gradici pa e confiansa duna den comision Premio Excelencia den Deporte y tambe
e cooperacion duna na nos door di e federationnan deportivo di Aruba pa asina percura pa awe nochi por ta uno agradabel y inolvidabel. Concluyendo sr. Vrolijk a termina cu un ‘quote’ pa tur atletanan presente: Nunca laga miedo stop bo di logra loke bo kier den bida paso mayoria biaha miedo ta simplemente un ilusion. Masha danki y exito na tur e nominadonan.
