Home Politics Secretario General Di MEP: Gerlien Croes despues di 6 siman ta...

Secretario General Di MEP: Gerlien Croes despues di 6 siman ta ‘djodjo’ sin presenta na trabou awor ta pidi pueblo pa lanta.

SHARE

 

 

Recientemente por a tuma nota di un articulo di Gerlien Croes unda despues di 6 siman cu e tabata “lost in action” ta regresa y su prome palabra ta pidi pueblo pa lanta. Den mesun rosea e no ta splica pueblo lanta pakico of lanta pa ken? Tampoco Gerlien ta splica cu si e logra bira un Parlamentario cu ta sostene un Gobierno di AVP den futuro, paso Minister e no lo por bira, kico diferente e lo haci den e situacion dificil cu mundo y Aruba ta pasando aden. Berdaderamente Gerlien a baha vakantie, cual ta su derecho, pero ningun momento a corda riba pueblo desde prome siman di juli cu el a baha na awa. Manera ladron den anochi el a disparce y no tabata tin ni e decencia pa skirbi un articulo puntrando pueblo con ta bayendo ayabanda esta na Aruba?

 

Un cos ta sigur USA (MERCA) Gerlien no por drenta:

Gerlien Croes a bay gosa di su vakantie y lubida completamente riba pueblo. Berdad tambe ta cu Gerlien Croes NO por drenta USA esta Merca. Kisas pueblo mes por puntra Gerlien ki ora cu bo topa cune sea na supermercado of kisas un entiero. E pregunta ta simpel. Gerlien dicon Bo no por drenta Merca? Lo ta bon pa Gerlien mes splica pueblo of kisas Gerlien kier pa nos mes splica pueblo pe?  Anto cu tur detaye kico ta e rason cu bo no por drenta Merca mas? Ta berdad cu Gerlien recien a pidi Parlamento cambia su ticket pa e NO pasa via Merca riba un di e biahenan di trabou cu Gerlien a haci? Gerlien mes kier splica esaki of nos mester splica pe? Pues nos ta reta Gerlien pa contesta preguntanan cu pueblo ta haci nos. Bo por of bo no por drenta Merca y pakico. Kico a pasa? Of kiko bo a bay pasa?

 

Gerlien kier usa comparacion di e problema di ‘stikstof’ na Hulanda pa lanta pueblo

Gerlien berdad ta perdi den espacio. Tira un blof hopi kens pa lanta pueblo y sin splica pueblo kico e problema di stikstof na Hulanda ta encera. Asina kisas Gerlien por contribui pa educa pueblo. Pero no Gerlien ta scoge pa sensacion y desordo. Tampoco ta splica pueblo kico ta su vision, con y na ki forma e lo soluciona e problema actual. Loke ta ‘stikstof affaire’ ta pa basta aña Hulanda ta dunando atencion na esaki. Den Europa pais Hulanda ta un di esnan cu tin e problematica aki  mas halto cu otro paisnan den Europa. Stikstof ta tur caminda den aire liber pa como 80%. Momento cu stikstof comberti den stikstofoxide (NOx) (entre otro door di motornan di auto y fabricanan cu ta produci temperaturanan halto) of stikstok comberti den Ammoniak (door di urina y pupu di baca) esaki ta causa verzuring (acides) di e tera. Consecuentemente esaki ta caba cu e nutrientenan importante di tera y cierto matanan y insectonan y parhanan ta disparce. Pa rasonnan aki pa proteccion di naturalesa di Hulanda a traved di decisionnan Europeo cu ta atende asunto aki mester tuma decision corectivo. Gerlien ta hasta contra proteccion di naturalesa tambe usando e ehempel aki. Uno ta inkrimping di dicho sector cual ta crea reacion di primordialmente e ‘boeren’. Na 2019 tin hasta un rapport di Raad van State riba e asunto aki. Awor  kico esaki tin di haci cu Aruba? Pues Gerlien ta uza ehempel totalmente for di sla solamente pa crea chaos.     

 

Bagamundonan ta apoya otro:

Gerlien nunca a duna su punto di bista riba caso di fraude y corucion di su colega Benny Sevinger. Dia 5 di september proximo Benny su caso lo inicia dilanti mesa berde y lo dura 4 luna te december mas un total di 22000 pagina di investigacion. Gerlien ta apoyando Benny keto bay. Dicon Gerlien no ta duna su opinion riba Candelaria cu ta bin di husticia y ta alinea den e prome 10 nan di AVP riba lista cu casi 800 voto mester a keda pafor di Parlamento pa un mafioso corupto manera Benny bay su dilanti? Gerlien nunca a duna su opinion riba e caso di corupcion di Paul Croes otro ex-Minister di AVP. Paul tin 2 sentencia di 4 aña di prison pa casonan di corupcion y fraude cual pronto e lo mester bay cumpli cune. Aki tambe Gerlien na muisstil. Gerlien nunca a duna su opinion riba 50 mil dollar cu Mike Eman a ricibi durante elecion 2013 unda diferente transferencia di Roberto Rincon a wordo traspasa pa Mike Eman y AVP. Aki tambe Gerlien ta muisstil. Gerlien tambe a campaña y goza dje?  Gerlien nunca a duna su opinion con Mike De Meza como Minister di Financien a Hedge WEB PA 300 MIYON Y A PRESTA 2200 MIYON pa cera deficitnan mientras NO tabata tin un Crisis?  Gerlien nunca a duna su opinion momento cu Mike Eman y AVP a ricibi un KB di Hulanda na 2014 y Mike enbes di bay Hulanda bay regla e asunto a scoge pa bay bou palo bebe ensure y pidi coleganan bay batio weya y tira webo riba auto di gobernador. Asina AVP ta kere e ta resolve problema. Asina Gerlien tambe kier purba resolve problema. Cacho no ta come cacho berdad? Gerlien su politica ta laga masha hopi di desea. Aruba mester politiconan cu curashi cu kier resolve problemanan grandi di e pais aki. Soort zoek soort!