Bloemond – Diasabra den careda di 9 or y 45 di anochi a sosode un accidente cu basta daño material riba e caminda di Bloemond.
Un Mitsubishi Lancer Blauw scur tabata bayendo direccion pariba, pa un of otro motibo e chauffeur hoben a perde control y a baha caminda cu e auto y a dal contra un palo di luz, kibra esaki den dos y despues a bolter. Lagando un cantidad di waya di coriente y waya di cable benta riba e auto y riba e caminda. Tambe e bario di Bloemond a keda sin coriente.
E dos hobennan cu tabata den e auto no tabata herida y mesora despues di e impacto a logra sali for di e auto.
Patruya di Santa cruz a yega na e sitio pa atende cu e accidente. Mirando cu un cantidad di waya tabata benta riba caminda Elmar a presenta hopi lihe na e sitio y a cuminsa cu e trabounan necesario di cambia e palo di luz y reconecta coriente bek. Door di e accidente aki parti di Bloemond, Paradera, Nuñe, Papaya y Tanki Leendert a perde coriente pa un rato.
Esaki a causa cu cierto negoshinan ariba e caminda di Paradera pa Tanki Leendert mester a cera nan porta mesora.
