Sero Pita – Diasabra den oranan di mainta polis a bay un adres na Sero Pita, unda lo mester a controla un situacion di un habitante.
Na yegada di polis e cas tawata completamente cera y no tawata tin ningun manera pa por a drenta y mira situacion di e persona paden cu ta un persona masculino.
Den careda di 10’or pasa unidad di Brandweer a yega e cas. Bomberonan a baha pa mira con ppr yuda, algun rato despues Ambulance tambe a presenta.
Despues di algun minuut a logra drenta, door di forsa un bentana chikito.
Segun bisiñanan ta un persona ta biba den e cas y leu a leu famia sa bin bishita.
Momento cu a drenta den e cas nan a bin haya e homder den su camber na bida si, pero hopi malo di salud cu ni su airco e la logra cende. Pues e tawata den un camber cayente cera. Mesora nan a habri e bentana di camber.
Segun bisiña, e airco semper ta cendi pero a ripara cu esaki lo ta paga y tambe a hala na atencion.
Paramediconan a drenta y cu ayudo di bomberonan a logra saca e habitante y pa asina hiba Hospitaal pa tratamento.
