Home Local Departamento di Impuesto a registra 868 miyon florin na entrada den e...

Departamento di Impuesto a registra 868 miyon florin na entrada den e prome mita di aรฑa 2022

SHARE

E cifranan di entrada di impuesto ta demostra e esfuersonan continuo riba tereno di compliance

ORANJESTADย โ€“ Departamento di Impuesto ta un departamento di gobierno cu tin e tarea pa garantisa entrada di impuesto y pa facilita e contribuyente pa por cumpli cu su debernan fiscal. E ta un tarea cu un responsabilidad grandi pa cu presupuesto di Pais Aruba y e presupuestonan di otro instancianan di gobierno manera ATA, TPEF, AZV, SVB, DIMAS y DIP.

Den e prome mita di aรฑa 2022, Departamento di Impuesto a registra un total di 868 miyon florin na entrada. Di e suma aki, a colecta un total di 399 miyon florin (46%) na entrada di impuesto y 469 miyon florin (54%) na toeristenheffing, primanan di AOV/AWW y AZV, erfpachtscanon y entrada pa gasto di permiso di DIMAS, cualnan ta destina pa instancianan manera ATA, TPEF, AZV, SVB, DIMAS y DIP.

Entrada compara cu aรฑa 2021

Compara cu otro aรฑanan, e entradanan ta solamente 10% bou e nivel di entrada di aรฑa 2019, e aรฑa prome cu pandemia. Sinembargo compara cu aรฑa 2021, a registra un aumento significativo di 30% den e entradanan di e prome mita (januari te cu juni) di aรฑa 2022.

Aki ta sigui un bista di e cifranan:
(A haci e sumanan cera)

ย ย Aumento den
porcentahe
ย  Entrada 2022
januari – juni
ย Entrada 2021
januari – juni
Entrada di impuestonan directo y indirecto ย  ย  ย  ย  ย ย 37% ย  ย  ย 399 miyon ย  ย  291 miyon
Entrada destina pa otro instancia ย  ย  ย  ย  ย  24% ย  ย  ย 469 miyon ย  ย  378 miyon
ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย  ย ย Total ย  ย  ย  ย  ย ย 30% ย  ย  ย 868 miyon ย  ย  669 miyonย 

E entradanan di impuesto directo y indirecto a aumenta cu 37% compara cu e entradanan di e mesun periodo di aรฑa 2021 y nan ta representa 58% di e presupuesto di Pais Aruba di aรฑa 2022. E entradanan destina pa otro instancia a aumenta cu 24%. E aumento di e entrada total di e prome mita di aรฑa 2022 ta 30% compara cu aรฑa 2021.

Compliance

E efectonan positivo di e recuperacion di e economia di Aruba y e esfuersonan di Departamento di Impuesto riba e tereno di colecta impuesto ta claramente visibel. E departamento ta trahando duro riba e tereno di compliance pa por mehora esaki aun mas. Staf y personal di Departamento di Impuesto ta haciendo nan maximo esfuerso pa facilita e contribuyente pa por cumpli cu nan debernan fiscal dunando un servicio eleva. E meta final ta pa e contribuyente ta conciente di su deber fiscal y ta cumpli na tempo cu esaki evitando asina costonan adicional di boet of interes.

Como cuidadano di Aruba nos tin e deber pa cumpli cu nos responsabilidad di declara y paga nos impuestonan na tempo cu ta na bienestar di nos mes y di nos pais.