“POLIS TAMBE A TIRA DURANTE E PERSECUSION”
Pos Chikito: Diasabra den careda di 6 or di mainta, un Nissan March a pasa los tiro riba un cas na Sabana Basora.
Polis mesora a dirigi su mes pa Sabana Basora y mientras nan tabata pendiente buscando e auto cu a los e tironan, un patruya di polis a bin topa cu e auto riba caminda y aki a cuminsa un persecusion.
Mesora polis a sigui e Nissan March preto. E dos ocupante nan na dado momento nan a sinti cu polis lo bay cera nan y no por huy mas pa e patruya di polis. E chauffeur di e March a para e auto riba veld Unistars na Pos Chiquito y sali na careda, aki nan a split, un a drenta mondi y e otro lo a bay direccion pazuid direccion di e casnan, aki e la bula den cura di un cas.
Varios patruya di polis di diferente districto a bay reforsa nan coleganan na Pos Chikito. Aki a inicia un buskeda cortico, polis durante e buskeda a los un tiro di advertencia y hopi lihe a logra detene e prome y un rato despues nan a detene e otro sospechoso.
Ambos a wordo transporta cu transportwagen di polis pa Warda di polis na San Nicolas.
Den un cura di cas no mucho leu di e cas polis a bin topa cu e arma. Esaki mesora a wordo confisca. Departamento tecnico di polis tambe a wordo pidi na e sitio.
E Nissan March tambe a keda confisca pa mas investigacion.
