Home Politics Minister Maduro ta aclarea: Na ningun momento a referi na partido...

Minister Maduro ta aclarea: Na ningun momento a referi na partido Raiz den splicacion na prensa

SHARE

Atrobe oponente politico ta busca forma pa kibra stabilidad politico di Aruba

Oponente nan politico ta buscando tur manera pa asina destabilisa e gobernacion di Pais Aruba. E siman aki nan a haci uzo di un splicacion cu Minister Maduro a duna contestando un pregunta di prensa riba gobernacion di Aruba na man di partido nan grandi manera MEP y AVP, pa saca esaki fo’i contexto y traha meme pa haci pasa cu e mandatario ta referi den su contesta na partido Raiz.

Minister Maduro ta aclarea cu na ningun momento ela referi na partido Raiz of a menciona nomber di Raiz como partido di coalicion. E mandatario ta lamenta cu oponente politico atrobe ta busca forma pa crea divicion y rabia den comunidad pa asina purba destabilisa un gobernacion di coalicion di Aruba. Sigur awor cu Aruba tin asina tanto reto, e atencion di tur hende mester ta dirigi na con ta hiba Aruba dilanti, enves di keda busca manera pa haci daño na nos Pais. #MinFIC