Na beneficio di scolnan pariba di brug: Aruba Bank ta haci donacion di “tablets” na Stichting Hunga Teca

Oranjestad- 28 di juni 2022 – Aruba Bank a haci donacion di tablets na Stichting Hunga Teca, un fundacion cu ta ofrece mucha entre 0-12 aña e oportunidad pa desaroya nan abilidad cognitivo, creativo, social.

E tablets en cuestion ta wordo fia na scolnan basico, pariba di brug, pa asina e alumnonan por uza e tabletsnan den klas ora di lesnan special.

Na Hunga Teca, e mucha, compaña pa un mayor, abuelo/a of educador por pasa pa fia un co’i hunga of wega educativo. Ta comproba cientificamente cu hunga cu co’i hunga y wega, ta contribui na un desaroyo total di un mucha.