Home Local Tur tawata ocupa: Dama turista a bira hopi malo y no tawata...

Tur tawata ocupa: Dama turista a bira hopi malo y no tawata tin niun ambulance pariba pa yuda

SHARE
Baby Beach – Actividad di Soul Beach na Baby Beach a bira tenso, momento cu un turista a bira hopi malo.
Esaki tawata debi cu e turista lo a keda hopi den e solo cayente causando un zon ontsteking.

Esaki a causa cu e turista no por a hala rosea bon debi na e efecto serio ora bo keda  directamente den solo pa varios ora.

Mesora a pidi pa ambulance

Aki ta unda e nightmare a cuminsa. No tawata tin ningun ambulance disponibel e momento ey pa pariba di brug, tur tawata bezig pabou di brug. Na Imsan tawata tin 1 ambulance berdad para, pero niun hende pa handle cu ne.

Segun nos a compronde pariba esta na San Nicolas lo tawata tin un actividad pa nos bishitantenan di Soul Beach, y si tawata bon Rode Kruis lo mester tawata presente, mirando cu ta trata di un actividad cu hopi hende. Pero Rode Kruis tampoco tawata tey.

Den careda di 3:30 lo a mira un ambulance cu spoed bayendo ariba, pero e momentonan ey ya polis a improvisa y pone e persona hopi malo den auto hunto cu famia y escortanan pa Imsan.

Polis a pidi ayudo tur caminda

Polis a haci su maximo esfuerso pa haya un ambulance, pero tawata manera un “mission imposible”.
A bay asina leu pa check cu Kazerne esta Savaneta Kamp y tambe a resulta negativo.

Y cada minuut tawata conta.

Segun nos a compronde cu e Ambulance lo a logra topa cu e auto transportando e victima altura di e Anker y a tume over bay Imsan.

Nos tin cu bisa cu algo a bay completamente robes diadomingo merdia cu e rooster di Ambulance.

Ta trata di un posibel eror serio ?  Y si ta asina lo mester coordina miho pa evita tipo di situacionnan asina.