Home Police Tres persona deteni: Autoridad a pensa cu nan lo por tawata envolvi...

Tres persona deteni: Autoridad a pensa cu nan lo por tawata envolvi den intento di kiebro na un cas na Paradera

SHARE

UPDATE UPDATE

Den oranan di mainta e tres personanan aki despues di a papia cu recherche a wordo laga den libertad. A resulta cu nan tawata na wrong place at the wrong time.

Pues nan no tawata tin nada di haber cu e caso di ladronicia cu a tuma luga un rato prome pariba di rotonde di Santana na Paradera.

Bloemond – Diahuebs anochi rond di 11’or Flex Team a sigui rondia pa e otro dos personanan cu a logra scapa di nan ora nan a yega e cas na Paradera.

Manera nos a trece dilanti caba den otro noticia, cu tres hende lo a drenta un cas pariba di rotonde di santana di Paradera pa horta.

Parke di luz na Bloemond

Algun rato despues den e buscamento e mesun Flex Team hunto cu patruya di Santa Cruz a topa cu un auto Mitsubishi. Esaki tawata staciona na e localidad bandona aki.

Tres persona den e auto

Den e auto polis a topa cu 1 homber y 2 muhe.
A bay over na detene tur hende den e auto.

No a usa transportwagen y a transporta nan tur den patruya mes pa warda.
E homber a wordo transporta apart y e auto a wordo confisca.