Home Politics MEP cu un caminata den naturaleza riba dia di celebracion di biodiversidad

MEP cu un caminata den naturaleza riba dia di celebracion di biodiversidad

SHARE

 

 

For di oranan di tempran di diadomingo mainta un ekipo di candidatonan y presidentenan di directivanan di MEP a tene un caminata/hiking den e mondinan den cercania di e ruinanan di mina di oro na Balashi y Franse Pas. E actividad aki a tuma lugar riba e dia cu mundialmente ta celebra biodiversidad. Ta hustamente den e cuadro aki e caminata a tuma lugar na salida di solo y den un naturaleza espectacular y cual a trece hopi bendicion y specialmente energia positivo pa cuminsa un siman nobo. Te hasta riba e dia aki naturaleza a regala nos un mascota cu a guia nos durante henter e caminata. 

Den e paar di oranan di e caminata e grupo di candidatonan y presidentenan di directivanan di MEP por a admira tur e beyeza cu e naturaleza ta ofrece nos diariamente. Hopi mata tipico di Aruba por a ser contempla cu ta dorna e mondinan den e area aki.  

Tambe na final di e caminata henter e grupo a sinta hunto den e ruinanan historico di mina di oro caminda a tuma lugar un quiz cu preguntanan relata na e caminata y tambe historia di MEP. 

Sin duda cu e caminata a resulta sumamente existoso y a sirbi tambe pa sigui stimula e union den nos partido y fortifica e ekipo rumbo pa e eleccion di 2025.