Home Local Aruba Bank ta reconoce su empleado superior pa luna di maart

Aruba Bank ta reconoce su empleado superior pa luna di maart

SHARE

ORANJESTAD, Aruba –12 di mei 2022 – Pa Aruba Bank e empleado ta central ora di priminti e clientenan “Un Experencia Superior”. Cu esaki den mente Aruba Bank ta nomina un empleado ehemplar tur luna.

E empleado cu ta escohi ta esun cu durante di e luna a haci su maximo esfuerzo pa brinda momentonan superior na tur esnan cu bishita Aruba Bank of haci uzo di un manera of otro di un servicio di banco.

Verushka Kock, Senior Officer, ta un persona cu semper ta bai e extra miya na tur momento cu mester. Su positivismo y entusiasmo ta contagioso segun su coleganan. Verushka tin un ambicion pa entrega resultadonan excelente na tur cliente. Esakinan a haci cu ela wordo nomina y reconoci como un empleado superior.

Nos Senior Officer na Aruba Bank, Verushka, ta gusta mantene un bida saludabel door di train cana of core, den su tempo liber.

Aruba Bank ta felicita y gradici tur e miembronan di e famia di Aruba Bank cu a wordo nomina pa yuda brinda tur cliente “Un Experiencia Superior”. Pabien Verushka!