Stadionweg – Avenida Milo Croes
Diasabra anochi algo prome cu 9:30 polis y ambulance a bay dilanti Stadion Guillermo Prospero Trinidad unda cu un homber a wordo hinca den area di su nek.
Problema di pareha
Den Avenida Milo Croes polis a topa cu e homber cu a wordo hinca door di un muhe, probablemente su pareha.
Esaki a pone cu varios unidad di polis a cuminsa tira bista ariba e auto cu e muhe a bandona e sitio. Den e auto lo tawata tin un menor di edad tambe, cu mas sigur lo a presencia tur e problemal
Cuchiu haya
Den Stadionweg e victima a conta Paramediconan y polis cu e muhe lo a tira e cuchiu den un cura di cas.
E ambulance a bay cu a homber den Stadionweg pa mustra polisnan cua cas.
Despues di algun minuut busca polis a drenta un cura di cas habri y ta bin haya e cuchiu cu a wordo confisca.
Recherche tambe a presenta ey y departamento tecnico di polis a wordo pidi pa bin na e sitio.
Na e sitio por a compronde cu e hinca no tawata algo di gravedad, cu ta un bon noticia.
