Home Entertainment Aruba Bank a aporta na concierto “Tropical” di Denzil Tromp y Stephen...

Aruba Bank a aporta na concierto “Tropical” di Denzil Tromp y Stephen Diaz

SHARE

Oranjestad – Durante fin di siman a tuma lugar e concierto “Tropical” presenta pa artistanan local Denzil Tromp y Stephen Diaz. Denzil y Stephen ta dos studiante multitalentoso di musica na Arubaanse Muziekschool Rufo Wever. Hunto cu Fundacion Basha a logra organisa e proyecto pa e concierto cu a hiba e nomber “Tropical” cu tabata tin enfoce riba musicanan tropical.

Aruba Bank a forma parti di e magno evento cu tabata tin como meta pa comparti e pasion di e musiconan y pa crea oportunidad pa hobennan cu ta studiando musica por demonstra nan talento.

Ta un honor di por a aporta y asina yuda musiconan cu ta den trayecto pa bai studia sigui demonstra nan talento y sigui desaroya esaki.

Pabien na e dos musiconan local, Denzil Tromp y Stephen Diaz pa un tremendo presentacion durante nan concierto “Tropical”.