ORANJESTAD – Awe mainta Corte di Husticia a trata e caso penal cu Ministerio Publico a cuminsa contra e homber e homber Colombiano M. biba na Aruba. E ta wordo acusa cu riba 6 Mei 2017 a haci actonan inmoral cu un mucha muher P.(6) cu t7a yiu cu un bon amiga di M.
ARUBA NATIVE por a compronde cu aunke cu M. ta para riba cu e no ta mishi cu e mucha, Fiscal ta haya cu tin suficiente prueba di sosten y ta haya M. Culpabel. Loke a capta atencion den sala di Corte ta e hecho cu e caso aki ta casi 5 aña bieu.
Durante tratamento di e caso a sali na cla cu durante un salimento pa laman e mishimento a sosode den e auto di e mama di P., mientras cu P. tabata sinta riba scochi di M. patras den e auto. Den e auto dilanti tabata sinta e amiga di e mama, L. Patras den e auto tabata sinta dos yiu di L., P., y M. Nan a bay laman y despues kier a bay come na cas.
E yiu P. a pidi su mama pa e baha tambe ora e mama y L. a bay un supermercado. E mama a bisa cu no. Despues un rato e mama a bolbe y nan a bay un otro supermercado. E mucha P. a bolbe pidi pa e baha. E ora ey e mama a ripara su yiu ta acto straño. El a laga e yiu bay cu nan den supermercado. Den supermercado P. a cuminsa yora y a bisa su mama cu M. a mishi na su parti intimo y cu M. a bis’e pa no papia. E mama a bay reclama M., kende ta para riba cu e no a mishi cu e mucha.
E mama a bay haci denuncia na KZP y te na 2019 a interoga M. y lag’e bay. Te awe e caso a bin dilanti. Fiscal a bisa cu e ta tene cuenta cu e periodo largo cu e caso a dura. El a bisa cu normal mester exigi castigo di prison pero door cu asina hopi tempo a pasa, el a exigi 5 luna di prison condicional y un tempo di prueba di 2 aña. Tambe Fiscal a exigi 150 ora di trabao pa comunidad y su M. no cumpli e lo mester bay 75 dia sera den prison.
Hues a sera tratamento di e caso y a dicta sentencia di biaha. Hues a bisa cu e no tin ningun motibo pa declara Fiscal no admisibel. Pa cu e caso mes, no tin ningun motibo pa duda den declaracion di e mucha P. Hues a remarca, ki motibo P. lo tin pa bay gaña riba su amigo M. Hues a bisa cu cada vez cu e mucha conta kico a pasa el a yora. Hasta na KZP el a yora. Hues ta haya cu tin suficiente prueba di sosten. El a conclui cu M. a haci actonan inmoral cu P. manera Fiscal a bisa. Door cu hopi tempo a pasa, Fiscal no a pidi pa M. bay sera. Hues a confirma e exigencia di Fiscal. Hues a condena M. na 5 luna di prison condicional y un tempo di prueba di 2 aña. Tambe 150 ora di trabao pa comunidad y su M. no cumpli e lo mester bay 75 dia sera den prison.
Hues despues di a scucha defensa di abogado, a dicta sentencia di biaha. Hues a bisa cu e ta haya cu tin suficiente prueba di sosten. Hues a mustra cu e mucha P. a yora ora el a conta su mama y miembronan di KZP. Hues ta haya cu teniendo cuenta cu e tempo cu a pasa, e exigencia di Fiscal ta na su lugar. Hues a condena M. na 5 luna di prison condicional cu un tempo di prueba di 2 aña. Tambe Hues a condena M. na 150 ora di trabou pa comunidad y si e no haci trabao, e lo mester bay 75 dia sera.