Savaneta – Diasabra anochi rond di 8’or varios persona cu tawata di bishita na Funari a haya sorpresa amargo, momento cu nan a bay bek na nan auto.
Mas o menos entre 8 cu 10 auto a bira blanco di vandalismo.
O sea un antisocial a kibra y chance ta grandi lo a horta tambe den nan.
Polis di San Nicolas a bay e sitio y poco poco a cuminsa haya informacion di hende cu a mira e posibel persona cu a comete tur e destruccion.
Nissan March color orañe
Arubanative.com a papia cu un persona cu a mira actuacion straño di un homber cu despues cu e la ripara cu hende a mira a subi un Nissan March. Na stuur tawata tin un hende muher.
Posiblemente conoci di polis
Segun e plachi number cu a wordo duna na polis ta mustra den direccion di un recidivista di fam Solognier cu ta conoci pa comete e tipo di actonan aki.
Na final departamento tecnico(BFTO) tambe mester a presenta pa saca potret y kizas trata na haya fingerprints.
Un cos ta sigur, e homber lo a herida su mes durante cu e tawata horta debi cu tawata tin sanger indicando cu e lo a corta su mes.
