Paradera – Diabierna anochi pasa di 8’or atracadornan ta spray segun polis Pepper Spray den wowo di e bendedora y causando cu e la cay ariba su pecho.
Na yegada di Arubanative.com nos a topa cu e señora cu ta un bon conoci di nos ariba suela y mesora a solicita pa un ambulance.
Mesora cu e informacion a drenta un cantidad di polis a yega e sitio.
Siguientemente ta sigui informacion oficial di parti Vocero suplente di polis Sra.Liliana Rasmijn:
” Cuerpo Policial ta Informa
ATRACO RIBA GRAN SUERTE SITUA NA PARADERA.
Diabierna anochi pa 8:26 central di polis ta wordo notifica di un atraco cu lo mester a tuma lugar na Gran Suerte cu ta un lugar di loteria situa na Paradera.
Central di polis ta despacha diferente patruya pa e sitio menciona.
Na yegada di e prome patruya ta bin topa cu un señora benta abao. E señora ta conta cu un rato prome dos hende lo mester a spray e cu pepper- spray den su cara y a bay cu e tas di plaka. Un di nan lo mester tabata tin cara tapa y bisti na preto. Mucho e no por a wak door cu e la wordo gespray.
E ta conta cu via e bentana e anti-socialnan mester a ranka e tas cu plaka aden y bay cune.
Den e tas lo mester tabata tin mas o menos afl 1000,- cu paar di plaka larga.
Ambulance a presenta na e sitio pa atende cu e señora .
Atraco Team a presenta pa hasi nan investigacion.
Departamento di slachtofferhulp tambe a presenta.
Cuerpo Policial ta haci un apelacion na esnan cu por a wak algo of sa algo pa jama e tiplijn di polis cu ta 11141. Bo ta keda anonimo”.
