Semeleerstraat/Frankenstraat – Diasabra den oranan di mainta polis a pa di tantisimo biaha un adres conoci pa nan situa Noord.
Eynan un dama di fam C., lo ta causando hopi molester ya pa varios dia den e bario.
Diasabra mainta polisnan a bay prome biaha, pa e mesun motibonan anterior, esta cu e muhe aki ta tira piedra ariba cas di hende. Segun habitantenan e persona aki ta un problema hopi serio.
E persona aki probablemente lo tin cu bebe su medicamentonan tur dia, y den oranan di mainta ya polis a papia cu e persona aki y e lo a priminti nan cu e lo bebe su “pilder”.
Algun rato despues
Polisnan algun rato mas laat a bolbe bay den Semeleerstraat cu ta conecta na Frankenstraat, debi cu aparentemente 3 persona lo a maltrata e persona aki.
Na yegada polis a topa cu e muhe, y ta mustra berdad cu algo a pase pero no tawata mustra nada di maltrato serio.
Por a mira rasca y pa mas sigur polis a pidi pa un ambulance, mientras nan a pone e muhe den boei.
Nos ta spera cu esnan concerni por regla e situacion aki, cu a sali for di man caba pero prome cu e culmina cu algo lamentabel.