Dia 25 januari nos ta celebra Dia di Betico recordando e fecha natalicio di e gran estadista Arubano Gilberto François ‘Betico’ Croes. Ta hopi importante pa nos muchanan conoce su historia y ta bon informa riba e lucha hiba pa nos libertador Betico Croes cu awe nos tin nos Status Aparte. E maneho di Ministerio di Cultura hunto cu Comision Celebracion Dianan Nacional ta pa sigui percura pa scolnan ricibi material informativo di nos Dianan Nacional y Fiestanan Cultural pa por wordo usa den lesnan na scol.
E aña aki pa dia di Betico ta organisa un competencia di pintura pa nos muchanan di scolnan preparatorio. Ami mes tabatin e honor pa bishita scol preparatorio Rayo di Solo y asina entrega e pintura na e alumnonan. Ban sigui motiva nos muchanan pa siña nan nos historia y alabes desaroya nan creatividad.
