Piedra Plat: Diaranson algo despues di 8’or y mey di anochi, un biaha mas Kokie ta den noticia. Den oranan di mainta e la wordo deteni pa motibo cu e la bay horta na un cas na Paradera y habitante nan kier a dal’e. Polis a detene y a transporta Kokie ta pa warda di polis na Santa Cruz.
Den oranan di merdia ya Kokie a wordo laga den libertad y por a mir’e ta cana den area di Santa Cruz pa bay direccion di Paradera. Anochi Polis lo a haya ordo pa bolbe detene Kokie.
Na e conocido cas caminda cu adictonan ta bay busca y usa droga, cu ta keda pabou di e rotonde di Piedra Plat, polis a bin topa cu Kokie. Kokie a wordo aresta y pa motibo cu e tabata haciendo fastioso, polis na e sitio a pidi pa transportwagen yega cu hopi urgencia.
Koki a wordo geboei na man y na pia carga manera un baby e la wordo hinca den transportwagen. Kokie tin e bario di Piedra Plat, Paradera y becindario terorisa. Tur hende sa unda nan ta bay pa haya y usa droga den e bario aki, pero nada no ta wordo haci cu e conocido casnan aki. Te hasta muchanan hopi hoben ta drenta e casnan aki pa busca droga, ainda e casnan aki ta den funcion anto ta casnan riba caminda grandi, nan ta manera drive thru, te hasta hendenan cu camisa ta drenta of ta para pafo cumpra nan droga, autoridad so te na e momentonan aki no lo a mira esaki? Ki dia e team specialisa pa combati bendemento di droga den bario lo actua y cuminsa drenta e casnan aki, habitantenan ta cansa di e molester di adictonan ambulante den bario.
Kokie ta hopi conoci den Paradera y becindario, na varios cas e la pasa horta of a trata na horta, ambos man ta fractura, un den gips y e otro tin un cosie masha grandi mes, pero ni e fractura nan aki no ta impedi’e di horta. Cada biaha e ta wordo agredi, pero nada no ta wordo haci ni pa su siguridad, kiko ta warda? te ora algo pas’e, cos bay for di man?
