Home Local Dos container di kerstboom benta afo, enbes di a regala of di...

Dos container di kerstboom benta afo, enbes di a regala of di a bendenan barata

SHARE

ORANJESTAD:
Diaranson den oranan di mainta trempan, a yega na nos redacion cu un luga cu ta bende Kerstboom na Noord lo ta regalando, kerstboom cu a resta.

Mesora algun persona lo a bay pa busca un Kerstboom y como sorpresa nan a wordo nenga. Despues un di e hendenan a ofrece 50 florin pa un kerstboom, mirando cu nan ta berde y bunita. E 50 florin tambe a wordo nenga, ni cu placa nan kier a duna un kerstboom. Nan a bisa bon cla cu nan no ta bende mas y cu ta bay benta tur afo, lo deshaci di nan na e forma “corecto”.

Ora a puntra unda lo bentanan afo, nan no kier a bisa unda, pero na momento cu e truck di un compania a yega pa busca e containernan, a keda bon cla cu na dump sigur nan no lo bentanan, pero a deshaci di e kerstboom na e bisiรฑa mas pariba di dump.

Enberdad e dos containernan grandi di kerstboom a wordo hiba pa deshaci di nan, sin regala of bendenan na un prijs mas barata.

Mientras na Merca, tin scarsedad di Kerstboom na Aruba ta deshaci di dos container di Kerstboom.

E ta keda desicion di e comerciante. Hopi tristo cu a destrui naturalesa, a kap hopi kerstboom, pa despues djis benta nan afo.

Mas sigur e comerciante lo a keda decepciona den e benta di kerstboom e aรฑa aki, por ta no a tene cuenta cu Aruba y henter mundo ta pasando den e momento mas dificil cu nos a conoce. Hopi hende no ta cobrando 100% di nan salario ainda y lo a prefera di kies pa prijsnan mas economico. Tambe tin hende cu ta cobra 22, 23 of te hasta 24 di december.

Ohala cu december 2022, e situacion drecha y cu tur hende lo por cumpra un kerstboom.