Home Politics Segun lider di AVP seรฑor mr. Mike Eman: Presidente di Staten Vrolijk...

Segun lider di AVP seรฑor mr. Mike Eman: Presidente di Staten Vrolijk ta overrule su waarnemer Kamperveen for di Hulanda

SHARE

Lider di partido di Pueblo Aruba, AVP, mr. Mike Eman, ta informa cu pa motibo di un preocupacion grandi pa cu e falta di transparencia cu Minister di Energia a demonstra den tratamento di e contract entre WEB Aruba N.V. y Eagle LNG, fraccionnan di AVP, MAS y ACCION 21 a pidi un Openbare Vergadering riba dia 8 di december 2021 na presidente di parlamente conforme articulo 23 di Reglement van Orde voor de Staten van Aruba. Un Openbare Vergadering ta un reunion cu ta ancra den nos Staatsregeling y nos Reglement van Orde voor de Staten.

 

Den un Openbare Vergadering tin posibilidad pa parlamento dicidi si e ta PRO of CONTRA e deal cu Eagle LNG. Tambe e reunion aki por desemboca den un mociรณn di desconfianza contra di e Gobiero of e Minister. Seรฑor Mike Eman ta splica cu pโ€™esey Staten y en particular e partidonan di oposicion a keda sorprendi ora cu awe a haya โ€œoproepingโ€ pa un reunion den forma di un โ€œBijeenkomstโ€. Den un Bijeenkomst no tin posibilidad pa Staten dicidi si e ta PRO of CONTRA e LNG- deal. Tampoco un Bijeenkomst por desemboca den un mocion di desconfianza contra di e Gobiero of e Minister.

 

Aparentemente Gobierno y Presidente di Parlamento Edgard Vrolijk tin miedo cu si yamaย  un Openbare Vergadering esaki por resulta den un mocion di desconfiansa contra e Minister di Energia. Pโ€™esey Vrolijk a laga yama un Bijeenkomst mientras e ta na Hulanda. Pero aki atrobe e ta viola nos derecho constitucional. Segun articulo 8 lid 2 di Reglement van Orde di Staten ta e Waarnemend-Voorzitter ta encarga ora Voorzitter no tey.

 

Esaki ta nifica cu Edgard no por duna ordo pa yama un Bijeenkomst si e no tey na Aruba. Seรฑor Mike Eman ta splica cu e manera di procede di Edgard Vrolijk ta hopi grave pasobra di e manera aki ta viola nos democracia na unda parlamento mester por controla un minister manera debe ser y hasta mandโ€™e cas si parlamento ta haya esey necesario. Ademas e procede aki ta mina nos estado di derecho pasobra ta pone nos Constitucion y e Reglement van Orde voor de Staten un banda pa yama un reunion cu no ta ancra den ningun ley y cu ademas no ta duna Parlamento e plataforma pa por actua cu autoridad.