Paradera – Diadomingo anochi pa mas o menos 7’or ta sosode un accidente frontal entre dos auto marca Nissan.
E accidente a sosode poco pabou di rotonde di Paradera, unda cu 2 persona a resulta y tambe un baby di 18 luna.
Esnan herida a bay warda polis y ambulance na un cas na banda.
Trafico a congestiona pa un rato, y chauffeurnan nan mes tawata pasa unda cu nan kier, pues un chaos un rato.
Na e sitio por a mira cu e Nissan Cube posiblemente lo a bay bira dilanti e Nissan March. Un impacto basta duro, mirando con e autonan a kibra.
Dos ambulance a presenta na e sitio pa atende cu e heridonan.
DOW tambe a wordo avisa, debi na e cantidad grandi di azeta cu a keda ariba caminda. Por cierto esaki ta sumamente peligroso pa vehiculonan mas despues.
Paramediconan a atende cu e heridonan cu danki Dios tawata leve.
