Home Police Velocidad halto a pone Spark bolter ariba Green Corridor

Velocidad halto a pone Spark bolter ariba Green Corridor

SHARE

Green Corridor/Pos Chikito – Diasabra algo prome cu mey anochi informacion a drenta cu un auto a bolter ariba caminda principal.

Esaki a resulta cu tawata poco mas pariba di Tele Aruba.

Polisnan cu a bay pa e sitio a bin toda cu un auto color cora chikito cu lo tawata esun cu a bolter. Chauffeur di e vehiculo a sali levemente herida.

Ambulance tambe a yega na e sitio y mesora Paramediconan a duna e chauffeur asistencia medico.

Na nos yegada, por a mira cu e victima tawata den ambulance papiando cu e paramediconan.

E chauffeur lo a ricibi un corta na su pia.

Testigonan na e sitio a conta cu e auto aki tawata coriendo cu velocidad hopi halto, y dado momento e la perde control y bay bolter.

Unda cu e prome impacto a sosode cu a pone e auto perde control a keda hopi glas ariba caminda.

Caminda tambe a wordo cera ambos, esta entre rotonde di Pos Chikito cu rotonde di Drive In.