Home Police Conocido architect Freddy Croes(60) a fayece den accidente di trafico na Westpunt

Conocido architect Freddy Croes(60) a fayece den accidente di trafico na Westpunt

SHARE

Westpunt – Diabierna mainta den careda di 8’or di mainta 911 a wordo informa di un accidente frontal na altura di West Punt 4. 

Na yegada di polis mesora a pidi pa ambulance, tawata trata di un Kia Rio y un Kia Sorento.

Polis na e sitio mesora a constata cu chauffeur di e Kia Rio ya no tawata duna señal di bida mas.

Den careda di 8:15 dokter Kanhai pasando ariba e caminda a baha pa duna asistencia y a constata cu chauffeur di e Kia Rio ya no tawata duna señal di bida. Dos ambulance a presenta na e sitio, pero mucho mas no por a yuda chauffeur di e Kia Rio.

Na e sitio nos a compronde cu e chauffeur di e Kia Sportage mucho no por a haci pa evita e impacto  mientras e Kia Rio ta dal frontal contra dje. Pues e Kia Sorento segun informacion a para y wanta e impacto. Pues e Kia Rio tawata biniendo ariba su banda robes strit ariba e Sorento.

For di Vocero Policial no a ricibi e siguiente informacion oficial:

” Cuerpo di polis ta confirma:

E di 6 morto den trafico.

Awe diabierna mainta pa 08.00 central di polis ta wordo notifica di un accidente frontal na Westpunt.

Na yegada di patruya ta bin topa cu un Kia Rio blanco V-5039 y un Kia SUV preto.

Pa 08.15 dr Kanhai ta constata morto di e chofer di V-5039, Frederick (Freddy) A. Croes  naci na Aruba di 60 aña.

Specialista di trafico, polis tecnico y slachtofferhulp a presenta na e sitio di e sucedido.

Cuerpo Policial ta manda palabra di condolencia na famia di e fayecido”.

Freddy Croes ta yega na famia di Team Arubanative.com. Nos kier a desea Sue Jean y demas yiunan hopi forsa den e dianan nos dilanti.