Qredits Microfinanciering Nederland ta desea di anuncia; e promocion di Oliver Vieira como Risk Manager di Caribe Hulandes y Nathaly Harms-Ellis como Branch Manager nobo di Qredits Aruba.
Un poco di Qredits Aruba su historia, operacion nan a cuminsa na Aruba na aña 2017 y a otorga mas cu 300 prestamo na nos commerciante nan. Durante e aña nan operando, Qredits Aruba su oficina a crece cu e meta pa ta e punto central di “Empresario” riba e isla di Aruba por medio di duna coaching, programa nan educacional y prestamo pa negoshi.
Como organisacion, Qredits Microfinanciering Nederland ta keda adapta su mes na e reto nan cu tin den e area Empresarial no solamente na Aruba pero tambe na e otro isla nan den Caribe tumando un rol proactivo pa sostene empresario nan y pa stimula e economia local.
Qredits Aruba ta considera e cambio aki sumamente importante mirando cu Caribe Hulandes lo utiliza su experticio local pa yuda y guia empresario nan den futuro.
Sra. Harms lo maneha e tarea nan operacional diario, lo sigui encarga di e crecemento di e oficina di Qredits Aruba y lo asegura cu nan cliente nan lo keda e enfoke principal.
Den e forma akinan finalmente, Qredits Mircofinanciering Nederland lo sigui engrandece su relacion cu no solamente Aruba pero den Caribe Hulandes tambe.
E team di Qredits Aruba ta desea Sr. Vieira y Sra. Harms hopi exito cu nan funcion nobo.
