Home Local Aruba Virtual Fair 2021

Aruba Virtual Fair 2021

SHARE

Pa e di dos aña consecutivo, Aruba College Fair Foundation lo tin su feria di estudio virtual. Den cooperacion cu Study Choice Caribbean, e VIRTUAL FAIR 2021 e aña aki lo tuma luga riba e dianan:

diamars, 15 di november

diaranson, 17 di november y

diabierna, 26 di November

y lo ta completamente gratis pa tur studiante di HAVO, VWO, high school, MBO y universidad of pa cualke persona cu ta interesa den adkiri un diploma bachelor of master. E Virtual Fair 2021 lo tin como orario 8am te cu 2pm.

 

Un virtual fair specialmente pa studiantenan di EPB y mavo lo tuma luga na februari 2022.

 

Durante e Virtual Fair 2021, studiantenan lo tin e oportunidad di presencia sessionnan di informacion cu ta regarda programanan di estudio, bida di studiante, costo di estudio, deporte, actividad social, opcionnan pa un carera y otro detayenan di interes. Ya caba tin un variedad di college y universidad for di Aruba, region Caribe, Latino America, Canada, Merca, Europa etc. registra pa comparti e informacion aki cu e studiante. Lo tin possibilidad pa studiantenan hasi pregunta y ricibi contesta tambe. Mayornan y decanonan ta wordo invita pa registra pa asina nan por ofrece un guia adicional na e studiantenan. Studiante, no keda sin tuma parti na e evento importante aki pa Bo futuro.

 

Ademas di e presentacionnan di e universidadnan,lo tin workshops cu lo tuma luga riba 20 di november riba diferente topico di interes pa un studiante. E sessionnan aki lo cuminsa for di 9am. E workshopsnan sigur ta wordo recomenda!

 

Studiantenan por registra na e siguiente website: https://studychoicecaribbean.com/register/ 

Of check e pagina di Aruba College Fair riba Facebook y Instagram pa e link.

 

Tur session lo keda online pa 10 luna despues di e evento pa asina e studiante por bishita e session di nobo si a caso e kier refresca su memoria di locual a wordo comparti di informacion. Pero, pa e studiante por tin acceso na e sessionnan aki despues di e Virtual Fair, e mester por a registra pa tuma parti na e Fair mes.

 

Pa cualke pregunta of informacion adicional, interesadonan por comunica cu Aruba College Fair Foundation via di su emailadres: info@arubacollegefair.com.