Keito – Diasabra anochi pa mas o menos 10:45 varios informacion a cuminsa drenta tanto na 911 y central di polis, di un accidente serio ariba e caminda di Keito poco mas panort di Buccaneer restaurant.
E prome informacion tawata cu e persona ta pega den e vehiculo y no ta reacciona.
Algun rato despues a bira conoci cu ta trata di un UTV.
A yegada 3 ambulance na e sitio, y por a mira nan rond di e UTV, cu a ser bisa cu e lo a dal contra un muraya pero esey no tawata e caso. Ta mustra cu e lo a baha caminda y drenta mondi y resulta seriamente herida, por a mira con lihe e Paramediconan a move cu ne.
Polis di trafico tambe a presenta pa asina haci su investigacion, mientras ambulance tawata saliendo cu urgencia direccion Spoed Eisende Hulp.
A pid slachtofferhulp pa por a bay direccion Hospital, mirando cu no tin ningun dato di e ken e persona por ta.
