Home Dutch Kingdom Husticia Hulandes no ta descarta cu den futuro lo por tin mas...

Husticia Hulandes no ta descarta cu den futuro lo por tin mas atentadonan, manera e likidacion di Reportero di Crimen Peter R. de Vries

SHARE

Amsterdam, Hulanda:
E programa di television Hulandes yama EenVandaag, a invita un hoofdofficier, hefe di polis di Amsterdam y un abogado. Durante un programa nan a bisa cu nan no ta descarta e posibilidad cu den futuro cercano lo por bay tuma lugar mas atentado, mescos cu a sosode cu e reportero di crimen, Peter R. de Vries.

Nan a bisa “Nos no por evita tur accion di revancha di tuma lugar” den e programa a papia cu e chef di polis, Frank Pauw, Hoofdofficier di Husticia Rene de Beukelaar y abogado Peter Schouten, kende ta e abogado di Nabil B. den e caso grandi di likidacion yama Marengo. Nabil B. ta e testigo principal den e caso grandi aki, ruman, abogado anterior y su persona di confiansa tur tres a wordo likida.

Segun e personanan di husticia a duna di conoce, cu atentadonan contra bida di hende nan no lo por evita tur, e ta imposibel. Segun Hoofddofficier di Husticia Beukelaar, no tin niun indicacion tampoco, cu e atentadonan aki lo stop. Y a bisa enfaticamente “Esaki ta e prijs cu nos mester bay paga pa combaticu man duro e crimen organiza na Hulanda.

Segun e hefe di polis di Amsterdam ta irealistico pa pensa cu no lo ta bay tin mas atentadonan nobo riba bidanan di hende.