Eagle Beach: Diasabra den oranan di mainta, Personal di Kustwacht cu tabata riba lama y a manda pidi refuerso di polis na altura di Eagle Beach. Pa motibo cu un persona riba un boto a bula na awa y a huy riba un waverunner.
E personal di Kustwacht tabata riba lama y tabata controlando un boto di parasailing y na dado momento un persona cu tabata abordo di e boto, aparentemente lo ta trahando riba e boto a bula na awa y a subi riba un waverunner di un otro compania di watersport, e persona cu tabata manehando e waverunner a hiba e homber tera y asina a logra huy for di man di autoridad.
Na yegada e polisnan a cuminsa cu un buskeda intensivo riba beach pa e sospechoso, pero lamentabelmente sin resultado. E polisnan na e sitio nan a bin topa cu e persona cu tabata coriendo e waverunner y cu a yuda e homber huy for di gara di Kustwacht. Mesora autoridad a detene pa stroba autoridad haci su trabou, y pa a yuda un sospechoso huy.
