Home Police Accidente cu bastante daño material y un persona herida na Sero Blanco

Accidente cu bastante daño material y un persona herida na Sero Blanco

SHARE

Sero Blanco – Diasabra anochi den careda di 8’or polis y tambe ambulance a ser pidi na Sero Blanco, unda un accidente a sosode y tawata tin hende herida.

Na yegda polis a constata cu tin un hobencita basta spanta y lo tin dolor na pecho.

E autonan envolvi tawata un Daihatsu y un Nissan Skyline. Chauffeur di e Skyline despues di e impacto fuerte a baha zonza y cana drenta cura di un cas.

Locual nos por a compronde di e testigonan, ta cu e Daihatsu tawata para ariba e crusada dilanti cu su señal pa bira na su man robes, pa drenta e caya.

Chauffeur di e Nissan biniendo cu velocidad halto lo no a mira e auto para pa bay sortea y ta dal e patras na e banda robes, unda cu e Nissan a sigui y bay para den porta di un cas.

Polis a pidi pa transportwagen debi cu na prome instante polisnan a pensa cu e chauffeur ta bou influencia, pero despues cu polis di trafico a yega y tambe Paramediconan a opta pa hibe Hospitaal.

E mucha muhe no tawata tin mester di bay Hospitaal, debi cu tawata trata mas di un susto enorme.