Home International Pareha cu a bay hike, nan baby(1) y nan cacho a muri...

Pareha cu a bay hike, nan baby(1) y nan cacho a muri misteriosamente den mondi na California

SHARE

 

Mariposa, California
John Gerrish and Ellen Chung’s nan cas na Mariposa, California. tawata keto augustus 16 ora e babysitter di nan yiu muhe di 1aña a yega.

E famia y incluyendo nan cacho Oski no tawata tey, e pick up cu nan ta core tampoco tawata na e cas.

Segun oranan tawata pasando sin tende nada Gerrish of Chung, kendenan a sali bay hike un dia prome, e sentido di panico a cuminsa drenta.

E cas di e pareha ta situa na e cuminsamento di Trail yama Hites Cove. Hopi ora a pasa prome cu nan a cuminsa cu e buskeda, cu a start den careda di 11 p.m. Rond di 2’or di marduga polis a haya e pick up staciona na e entrada, asina San Francisco Chronicle a bisa.

Nuebe ora despues y mas o menos 2.4 Kilometer leu di e pick up, den un area yama Devil’s Gulch(Baranca di Diablo), search-and-rescue team a haya Gerrish, Chung, nan baby Miju(1) y nan cacho.

Tur tawata morto.

John Gerrish(45) tawata sinta cu e baby y e cacho banda di dje. Ellen Chung(31) tawata un poco mas ariba.

Te cu awor autoridad no sa di kiko nan a muri. Autopsia a wordo haci pero sin niun causa exacto di nan morto, asina CNN a raporta. Un raport di toxicologo, cu por dura basta siman ta pendiente.

Nan a tuma samples di e cacho Oski, segun Mariposa County Sheriff’s Office no haya niun otro animal morto cerca di e area.

” E ta asina tragico y misterioso”, Steven Jeffe un amigo cerca di e famia a bisa The Washington Post diadomingo anochi.

Gerrish y Chung a muda di San Francisco na maart 2020, asina Steven Jeffe a bisa. E Pandemia cu a haci e bida cada biaha mas slow tawata bira cada biaha mas atractivo pa e pareha profesional. Gerrish tawata traha cu Snapchat y Chung tawata bezig cabando su Master degree den Family Therapy.

Ora cu polis a haya nan curpa, no tawata tin ningun rastro di trauma. No tawata tin ningun carta laga atras di suicidio of algo cu ta mustra den direccion intencional, segun CNN. Aunke cu e temperatura tawata halto(42⁰) dia cu nan bay cana dehidratacion no por tawata e causa di nan morto, debi cu e famia tawata suficiente awa cu ne.

No ta descarta cu colebra por a picanan, aunke esey tambe ta poco probabel door cu no tawata tin ningun evidencia di un of mas herida fisicamente.

Falta di un contesta definitivo a pone e team investigativo imagina causanan no usual. Intoxicacion di Kool Monoxide of Alganan toxico cerca di e riu ta entre e teorianan principal di e investigadornan.

Pero morto di hende door di e Algen di awa dushi ta hopi raro, The Chronicle ta informa.
Segun David Caron cu ta Professor di Biologie na Universidad di South California, aunke cu e bacteria di awa dushi ta un menasa pa hende y animal, bo lo mester ingeri un cantidad grandi pa mata un ser humano rapidamente, asina e la informa na e corant The Chronicle.

“E por ta posibel cu esey ta e causa”, Caron a bisa. ” Pero, ta necesario haci basta forensic onderzoek pa por vincula cu ta trata Toxins(veneno)”.

Venenamento di e minanan tambe ta un posibilidad. Ora cu a haya e famia diamars, e team di rescate a trata e area pa un sitio cu lo por ta contene materialnan peligroso. A pensa cu Kool Monoxide por a sali di e Minanan den cercania. Pero pa e siguiente dia a kita e posibilidad cu ta trata di materialnan peligroso. Pues esey tambe a wordo considera improbabel.

E mina mas cerca ta 4.8 Kilometer leu di unda a haya e famia.

” Te awor nos no a haya ningun Mina bieu cerca den e area”. “Tin algun Mina(pos), pero ainda no por confirma si esey a causa morto di e famia”.

Mientrastanto, Jeffe y residentenan di Mariposa ta sigui frustra pa falta di contestanan.

“Nos ta kibra cu e perdida aki”, Jeffe a bisa na The Post.
“Pero mi ta kere cu e comunidad mas ainda, cu e pregunta di ¿ Kiko a pasa e famia aki’?.