Home Local Participacion referente Kiwanis Nostalgia Party 2021

Participacion referente Kiwanis Nostalgia Party 2021

SHARE

Oranjestad. –  Kiwanis Club of Palm Beach ta participa cu e Kiwanis Nostalgia Party 2021 lo keda cancela pa dia 4 di September y postponi te cu proximo aviso. E motibo pa esaki ta cu desaroyo di e situacion di pandemia lamentabel no ta permiti mas pa e evento por sigui riba e fecha programa. Directiva di Kiwanis Club of Palm Beach lo sigui monitoria e situacion di pandemia pa determina na ki momento den futuro e evento lo por tuma lugar den un forma responsabel.

Kiwanis Nostalgia Party ta un iniciativa di Kiwanis Club of Palm Beach pa recauda fondo pa nos communidad. Ehempel di proyectonan ehecuta dor di Kiwanis Club of Palm Beach ta inclui e proyecto di Watercoolers pa Skolnan, Child Seat camapigns, ademas di donacionnan na un variacion di fundacionnan manera Cede Aruba, Hungateca, YMCA, Casa Cuna y mas.

Kiwanis Club of Palm Beach kier tuma e oportunidad aki pa haci un apelacion na henter nos communidad pa respeta e protocolan di COVID-19 cu ta na vigor pa contene e situacion di pandemia. Ademas Kiwanis Club of Palm Beach ta recomenda un y tur pa haci uso di e vacuna contra COVID-19 pa sina proteha bo mes y otronan.

Kiwanis Club of Palm Beach

Kiwanis Club of Palm Beach Aruba ta forma parti di Kiwanis International, un organisacion mundial di boluntario dedica na cambia mundo, cuminsando na un comunidad y un mucha. Nos ta un organisacion den crecemento, dedica na yuda muchanan di mundo henter hisando nan calidad di bida. 

Pa mas information di Kiwanis Club of Palm Beach bishita nos webpage na www.kiwanispalmbeach.com of nos Facebook fan page na https://www.facebook.com/kiwanispalmbeach

 

— fin di comunicado —