“Algo ya basta comun den oranan di marduga aki na Aruba”
Caya G.F.Betico Croes – Diasabra marduga pasa di 2’or polis a bay ariba Caya G.F.Betico Croes un poco pabou di rotonde Dadelstraat, un Suzuki Swift a ranca un palo di luz.
Na yegada di polis a pensa cu e chauffeur lo a bandona e sitio. Pero despues di algun minuut a localise eybanda mes y ta detene.
Manera ta den mayoria caso, alcohol a hunga e rol principal.
Un palo di luz a wordo completamente ranca causando daño na cabelnan di e compania Setar tambe.
Polis a cera e parti di Dadelstraat cu ta bay pa Caya G.F.Betico Croes debi cu wayanan a keda colga ariba caminda.
Elmar y Setar a wordo poni na altura di e incidente, cu ta basta comun den oranan di maruga unda chauffeurnan burachi ta causa esaki.
