Home Local YMCA DAKOTA TA PARTNER CU FREEWINDS PA DUNA UN SEMINARIO DI THE...

YMCA DAKOTA TA PARTNER CU FREEWINDS PA DUNA UN SEMINARIO DI THE WAY TO HAPPINESS NA NAN YOUTH SUMMER CAMP.

SHARE

Summer Camp ta un temporada divertído pa muchanan ya cu nan ta haya e oportunidad di participa na un variedad di actividad manera deporte, baile, arte y mas.  Pero no pasobra nan no ta na scol ta nifica cu oportunidadnan pa haya información valioso no ta obtenibel pa nan.  Den e caso aki e muchanan di YMCA Dakota a haya oportunidad pa nan siña di The Way To Happiness

 

E Port Captain di The Freewinds a duna un seminario di The Way To Hapiness na un grupo di 28 hoben.  Usando e bukinan di The Way To Happiness , presentacionan di video y tambe e hobenan mes a presenta algún “skits”, a hasi e presentación hopi divertido.  Conceptonan importante manera “Cuida bo mes, no tuma droga dañino, no hasi daño na un persona di bon boluntad, sea un persona confiabel, trata otro manera bo kier pa abo wordo trata y mas.

 

Cada mucha a haya su propio copia di e buki The Way To Happiness y nan por a scohe pa Papiamento of Ingles. E muchanan a haya e buki hopi interesante y nan a participa hopi entusiasma. Nan a puntra hopi y a duna hopi ehempel excelente di e ideanan presenta den e buki.

 

Sr. Sherwin Wester, Coordinador di deporte y actividadnan di YMCA a bisa lo siguiente di e programa di The Way To Happiness presenta pa e Port Captain di Freewinds, Sr. Ken Weber,:” Esaki ta un iniciativa hopi bon pa yuda e muchanan.Nos tan a gabor di cualquier cos c uta yuda duna nos hobenan balornan y herment cu lo yuda nan bira un mihor persona ora nan crece y cu e deseo di yuda nan prohimo. E buki aki ta concuri cu e idealnan di YMCA, inculcando balornan y responsabilidad den nos hoben. Ta di spera cu otro organización por mira e balor di e programa aki y provecha di esaki no solamente pa yuda nos hubentud, pero pa tur hende.”

 

E caminda pa felicidad ta un código moral no religioso, basa completamente riba nos sentido común, skirbi pa L. Ron Hubbard y publica originalmente na 1981. Su meta ta pa yuda stop e e caída di nos balornan moral den sociedad y restaura integridad y confiansa den e ser humano. E Caminda pa Felicidad ta obtenibel den 117 idioma, incluyendo papiamento. Mas di 100 miyon copia di E Caminda Pa Felicidad a wordo distribui den mas di 170 pais.

 

Pa haya sa con pa ricibi un seminario di The Way To Happiness pa bo organización contact  e Port Captain di Freewinds na email ken.weber@freewinds.org of na Whatapp +1-727-666-0645.

 

Pa haya sa mas di The Way To Happiness Foundation bishita www.thewaytohappiness.org caminda por mira e videonan y por bestel material.