Home Corte Viaheronan Surinameño liber despues di paga boet grandi

Viaheronan Surinameño liber despues di paga boet grandi

SHARE

E siman aki Afpakteam a detene dos persona na Aeropuerto Internacional Reina Beatrix, kendenan tabata viahando di Merca pa Suriname. E viaheronan, un homber y un muher, a keda sin cumpli cu nan deber di meld cu nan tabata viahando cu mas cu 100.000 Dollar.

Nan a wordo voorgeleid awe, caminda Ministerio Publico a haci nan un proposicion pa un boet di en total 20.000 Dollar, pa motibo cu nan a keda sin meld cu nan tabatin e suma cu nan. E sospechosonan a bay de acuerdo cu e boet. Esey kier meen cu e caso penal contra nan a wordo kita y cu nan lo no wordo persigui mas.

E suma aki lo bay directamente pa Fondo di Combati Criminalidad. Placa di e fondo ta wordo usa pa combati criminalidad. Afpakteam di Aruba kier aporta visiblemente na esaki. 

Afpakteam ta un cooperacion entre Ministerio Publico, Cuerpo Policial di Aruba, Aduana, Fiot (Fiscale inlichtingen- en opsporingsteam) di Departamento di Impuesto, FIOD (Fiscale Inlichtingen- en Opsporingsdienst), Marechaussee, Kustwacht, Meldpunt (Meldpunt Ongebruikelijke Transacties) y RST. Afpakteam ta combati criminalidad financiero-economico. Pa acerca Afpakteam cu tipsnan tocante labamento di placa via afpakteam@kparuba.com of via tiplijn 11141.