Cura Cabai – Diabierna merdia Cuerpo policial a emiti un comunicado oficial di e accidente fatal merdia na Cura Cabai. Ta trata di un homber di 57 aña.
CUERPO POLICIAL TA INFORMA:
“DI DOS MORTO DEN TRAFICO PA AÑA 2021
Awetardi pa 1:57 pm central di polis ta wordo notifica di un accidente frontal entre dos auto na altura di Cura Cabay na San Nicolas. Patruya ta despacha cu maximo urgencia pa e sitio di accidente. Na yegada di e sitio polis ta pidi presencia di ambulance cu maximo urgencia. Lamentablemente personal di ambulance no por a haci nada mas pa e chauffer masculino.
Pa 3:15pm Dr. Texier ta constata morto di J. DAVIS , naci na Aruba di 57 aña di edad.
Specialista di trafico y polis tecnico a yega na e sitio pa haci nan investigacion. Slachtofferhulp tambe a acudi na e sitio pa brinda sosten na e famianan cu ta involucra den e accidente pisa aki.
Cuerpo Policial Aruba ta manda palabra di profundo condolencia na famia di e fayecido. Un mensahe na tur chauffeur pa bay trankilo den trafico. Bo famia ta warda bo na cas”.
