Durante 3 aña y 8 luna trahando den Parlamento, Setty Christiaans-Yarzagaray a sa di hiba un nivel diferente den politica, door di hiba discursonan al caso y conferencianan di prensa gran mayoria parti cu base di datonan presentado cifranan reflehando desaroyonan riba diferente tereno na Aruba. Uzo di dato ta di gran importancia pa su persona mirando su deseo pa aporta na eleva nivel di discusionnan pero tambe di politica en general. Uzando data ta duna pueblo e oportunidad pa valida e informacion cu ta duna credibilidad na e informacion presenta.
Trabounan den Parlamento
A pesar cu Setty Christiaans-Yarzagaray a traha casi 21 aña na Centraal Bureau Statistiek y algun luna na Departamento di Asuntonan Economico unda el a adkiri amplio experencia y experticio, asina mes mester menciona cu trabounan di Parlamento, si kier haci’e bon y manera mester ta, tin su retonan. Orarionan diferente y largo di trabou pa prepara pa tratamento di leynan, prepara pa reunion publico riba temanan cu no necesariamente ta di nos experticio, oranan for di cas y di famia, atende cu preocupacionnan di pueblo purbando di yega na solucion, ta entre otro aspectonan cu mester a custuma cu ne. Pero tambe tawata oportunidadnan pa siña hopi y adkiri mas conocemento.
Team den Parlamento
Mester menciona cu e areanan cu a atende cu ne den Parlamento tabata diverso, resultando e ora cu mester tempo pa prepara, haci research pero tambe depende di e experticio di miembronan di nos mesun team. Team di fraccion di MEP ta bin di areanan diferente cu bon preparacion, cu un por a complementa otro ora un no tawata domina un area di experticio.
Cla pa sigui si esey ta e deseo di Pueblo
E añanan tras di lomba den Parlamento a yuda cada un prepara miho cu awe, si yega e oportunidad di sigui eherce e tareanan como Parlamentario, sra. Christiaans-Yarzagaray ta cla p’e. Awor ya tin miho conocemento di e trabou y un structura forma rond di e tareanan como Parlamentario.
Gradici pa e apoyo y sosten di su 287 votodornan
A pesar cu campaña no ta un tarea facil pa un hende muher, Setty Christiaans-Yarzagaray ta convenci cu haciendo su trabou recto y corecto tambe a yuda aporta na su votonan. Mirando cu eleccion a yega poco prematuro alabes, a hacie un poco mas dificil pa bishita y yega tur caminda cu a desea. Reaccionnan ricibi duranta campaña tawata hopi positivo y sigur un mensahe cu a keda cu su persona ta pa keda den contacto cu pueblo mas cu ta posibel.
Setty Christiaans-Yarzagaray ta tuma e oportunidad pa gradici di curason tur cu a deposita nan voto den su persona y ta compromete su mes di sigui haci su trabou mes of miho, kedando al caso, kedando riba nivel, haciendo uzo di data pero semper kedando e hende simpel y humilde. Manera tawata su dicho den campaña, haciendo su trabou Recto y Corecto y kedando “#SimplementeAmi”.