Oranjestad – Diahuebs marduga den careda di 1:30 911 a haya informacion cu un señora a wordo tira y e ta na un adres den Tanki Leendert.
911 na su turno ta avisa. Asina e protocol ta cuminsa cana avisando tur departamento concerni. Polisnan cu a yega na e cas a haya ambulance y ya e Paramediconan tawata atendiendo e persona. E vehiculo tawata pariba di e cas, y por a mira recherche tambe.
Despues di algun rato cu a stabilisa e dama ambulance a sali direccion Hospital.
Mientras cu na e sitio unda e auto ta polisnan a keda y tambe mester a bay altura di Cas Casuela pa busca posibel imagennan di Security Cameras.
For di cuerpo policial nos a ricibi e siguiente informacion:
“1.25 melding a drenta via Central di Polis cu un señora lo a jega su cas na Tanki Leendert cu 2 tiro.
Na jegada di patruya na e sitio e casa di e señora ta conta cu su señora tawata pasando banda di Cas Casuela e ta sinti un impacto den su auto y despues e ta wak sanger na su curpa mesora ela core bay su cas for di unda ela jama Central di Polis. A bin constata cu e señora tin dos perforacion di bala.
Mesora a pidi pa departamento di recherche , polis tecnico di Cuerpo Policial.
Pa Cuerpo Policial por resolve mas caso cooperacion y informacion di pueblo di Aruba ta hopi importante pesey nos ta pidi si bo tin cualkier informacion jama nos tiplijn: 11141. Nos ta garantisa cu bo ta keda anonimo.
